Зүүн гарын гоёо ургамлын биологийн идэвхт нэгдлийн судалгаа

Хэвлэлийн нэр: Хүнсний аюулгүй байдлын үндэсний лавлагаа лабораторийн ЭШ-ний V бага хурал

Зохиогч:  Х.Мөнхзаяа

Хамтран зохиогч:

Хэвлүүлсэн огноо: 2017-10-01

Хуудас дугаар: 52-54

Өгүүллийн хураангуй:

Манай орон эмийн ба үйлдвэрлэлийн ач холбогдолтой ургамлаар баялаг орон билээ. Түүнийг ашиглах өгөөмөр их боломж байгаа хэдий ч тэдгээрийн химийн найрлагын судалгаа харьцангуй бага хийгдсэн байдаг нь судалгааны нэн сонирхолтой объёкт болдог. Ургамлын гаралтай эмийн бэлдмэл нь химийн аргаар гарган авсан бэлдмэлтэй харьцуулбал хоруу чанар багатай, биед үзүүлэх гаж нөлөө бага байдгаараа давуу талтай юм. Монгол оронд ургаж байгаа ихэнх ургамлууд нь байгальд өөрийн зөнгөөрөө хүний оролцоогүйгээр ургадаг онцлогтой. Иймээс төдийлөн сайн судлагдаагүй хэдий ч ашиг тустай ургамлын тоонд зүүн гарын гоёо ургамал зайлшгүй орох бөгөөд түүний дотор агуулагдах үнэт нэгдэл флавоноидууд, “C” амин дэм, антиоксидант идэвхи гэх мэт биологийн идэвхийг судалж хүнсний зориулалтаар ашиглах шаардлага зүй ёсоор тавигдаж байна. Анагаах ухаанд эмийн ургамал чухал байр эзэлж, янз бүрийн өвчин эмгэгийг илааршуулж, анагааж ирсэн хэдий ч сүүлийн жилүүдэд дэлхий нийтээрээ байгалийн гаралтай хүнс, хүнсний бүтээгдэхүүнийг ихээхэн сонирхон хэрэглэх болсонтой холбогдуулан эмийн ургамлуудыг боловсруулан, хүний биед хялбар шингэж эерэгээр нөлөөлөх бүтээгдэхүүн гарган авах, тэдгээр ургамлуудын биологийн идэвхит бодисуудыг судлан, таньж мэдэх нь чухал болоод байна. 

Өгүүллийн төрөл: Мэргэжлийн түвшинд хянагддаг сэтгүүл

Өгүүллийн зэрэглэл: Дотоод

Түлхүүр үг: #фенолт нэгдэл #Зүүн гарын гоёо #фитохимийн судалгаа

Өгүүлэл нэмсэн: Х.Мөнхзаяа

Монгол Улсын Шинжлэх Ухаан Технологийн Их Сургууль © 2018